आँधि

जब सम्म महलमा बस्नेहरु
झुपडिभित्र पस्दैनन
तब सम्म आँधिबेरीनै पसिरहन्छ
र निमोठिरहन्छ निर्ममतापुर्बक
बुढाबुढी र बालक
र उडाईरहन्छ घरका छाना
र त्यस भित्रका खुशी र सुन्दर कामना ।
क्रन्दन बोकेर उड्छ आँधि
र चिथोर्छ झुपडी भित्रका मुटुहरु !
जबसम्म महलमा बस्नेहरु
झुपडी भित्र पस्दैनन
तब सम्म भेलमात्रै पसिरहन्छ
र सोतर बनाएर लान्छ गरिबको भाग्य
जहाँ लेखिएको हुन्छ “खोटो”

कहालीलाग्दो त त्यतिबेला हुन्छ
जतिबेला आँधि र भेल पसेर निस्किन्छ
आमा सङ बालक छोरो हुदैन
श्रीमान सङ श्रीमती हुन्न
अन्न्याय त त्यतिबेला हुन्छ
जतिबेला आँधिले एक दुई ज्यान
बाँकि राखेर जान्छ
गुँडबाट बचेरा निमोठेर लान्छ
प्रीयसिको फोक्सो चुँडालेर भाग्छ।

डरलाग्दो हुन्छ दृश्य:
उद्दारटोली आउँछ
राजनिती आउँछ राहातमा
राहातमा राजनिती आउँछ ।
अखबारमा छापिन्छ आँसु
र बिलौना
माथी माथिनै उड्छ हेलिकप्टर
र नियाल्छ भग्नावसेष
जहाँ छरिएका हुन्छन
टुक्रीएर हृदयबिधारक मुटुहरु
जुन जुडिदैन कुनै राहातले ।

जब सम्म महलमा बस्नेहरु
झुपडी भित्र पस्दैनन
तबसम्म
आँधिबेरी मात्रै पसिरहन्छ
भेलमात्रै पसिरहन्छ।