आखिर नक्सा नै त हो
किन लाग्छ
अलिकति सिमाना मिचिदा
यो हृदयमा आगो
प्रतिसोधको, विद्रोहको ?
किन लाग्छ  माया
आमाको भन्दा बढि ?
मदिराको नसाले त बरु छोड्छ
तर देशको नक्साको नसा कस्तो ?
यो नसाभरि किन कुद्छ  
यो देशको नक्सा ?
किन दुख्छ  मुटु
सिमानाका पिलर गायब हुँदा?
सिमाना वारि र पारिका संगै बसेर
रोटि र बेटिका कुरा छोडेर
उत्तर खोज्ने बेला आएको छ
रक्तपात, कलह, बबन्डर, बिद्रोह
हुनु अगाबै !
मैले पढेको छु इतिहासमा-
राष्ट्र र रास्ट्रियताको लागि
जव लड्नु पर्ने र
भिड्नु पर्ने अवस्था आउँछ  
सबै भन्दा पहिला नेपाली
सिर उचाली आउँछ  ।

3 thoughts on “सिमाना बिबाद”

Leave a Reply

This site uses Akismet to reduce spam. Learn how your comment data is processed.