साउदी अरबले मुलुकभर लगाएको कर्फ्यु अनिश्चितकालसम्मका लागि बढाउने निर्णय गरेको छ । उक्त निर्णय साउदी सरकारले अर्को सूचना नआएसम्मका लागि कर्फ्यु जारी राख्ने निर्णय गरेको हो । कोरोना भाईरसको नियन्त्रण भन्दै उक्त निर्णय गरिएको हो ।

साउदी अरबका राजा सलमान बिन अब्दुल्लाजिज अल साउदले गत २३ मार्चदेखि मुलुकभर बेलुका सात बजेदेखि बिहान छ बजेसम्म लगाइएको उक्त २१ दिने कर्फ्यु बढाउने निर्देशन दिएका हुन् ।

सहरमा मानिसहरुलाई अत्यावश्यक सामग्री किन्नका लागि बिहान छ बजेदेखि दिउँसो ३ बजेसम्म बाहिर निस्किन दिने गरिएको छ ।

साउदीको गृहमन्त्रालयले अर्को सूचना जारी नभएसम्मका लागि देशका १३ वटै प्रान्तमा आवतजावतमा रोक लगाइएको जनाएको छ । साउदी अरबमा हालसम्म कोरोना भाइरसबाट ४ हजार ३३ जना संक्रमित भएका छन् भने ५२ जनाको मृत्यु भइसकेको छ ।

Leave a Reply

This site uses Akismet to reduce spam. Learn how your comment data is processed.