बाबासँग मनका कुरा (कबिता)

कवि- रमा पोखरेल

बाबा म आउँछु, अवस्य आउँछु ,
सकुशल आउँछु, त्यो के आउँदै छ रे ,
हाम्रो आगँनमा युद्ध गर्न आउदैछ रे त्यो,

त्यसैले ,
त्यसलाई परास्त गरेर आउँछु ।

घरमा बुढी हजुरअामाले कुरिरहनु भा छ!
गहभरी मोतीका दाना निकालिरहनु भा छ!
म मेरि हजुरआमालाइ रुन दिन्न त्यसैले ,
बाबा, म अवस्य आउँछु ।

मेरि आमाले लैनु भैसिको घ्यू सगाल्नु भा छ!
म आउनुपर्छ, सबैलाई भेटेर रमाइलो गर्नु छ ,
भलाकुसारी गर्नु छ, बाबा म आउँछु ,
अवस्य आउँछु , त्यसलाइ परास्त गरेरै आउछु ।

औषधिमुलो निकाल्नु पर्छ!
त्यसलाइ निर्मुल पार्नुपर्छ!
बिज्ञानले पनि हरेश खाएको बेला,
हामी सबै मिलि जरैदेखि फ्याक्नुपर्छ,

त्यसैले,
बाबा म आउँछु अवस्य आउँछु ।

साहित्यमा रुचि राख्ने कवि रमा पोखरेल फुर्सदको समयमा कबिता लेखिरहन्छिन ।