काठमाडौं- कोरोना संक्रमितको संख्या बढ्दै गएपछि अहिले देश लकडाउनमा छ ।

आमाको मुख हेर्न भन्दै किनमेल गर्नेहरुको भिड बढेपछि प्रहरीले धमाधम आज बिहीबार बिहान पक्राउ गरेको छ ।

लकडाउनको ३२ औं दिन विभिन्न स्थानबाट ८ सय ७२ जनालाई पक्राउ गरेको छ ।

पक्राउ पर्नेमा २ सय २८ जना महिला छन् । पक्राउ परेकालाई दुई घण्टा सडकमै पर्खाएर राखिएको महानगरिय प्रहरी परिसर प्रमुख डिआइजी विश्वराज पोखरेलले जानकारी दिएका छन् ।

यसैगरी, दुई पाङ्ग्रे र चारपाङग्रे गरेर ८८ वटा सवारी साधनलाई पनि नियन्त्रणमा लिएको छ।

डिआइजी पोखरेलले भने– ‘चाडपर्व मनाउने भन्दा रोगसँग जोगिने बेला हो यो ।’

सरकारले चैत ११ गते बिहान ६ बजेदेखि लकडाउन सुरु गरेको थियो । बैशाख १५ गतेसम्म लकडाउन जारी रहने छ ।

Leave a Reply

This site uses Akismet to reduce spam. Learn how your comment data is processed.