सरकारले लकडाउन खुकुलो पार्ने

१९ बैशाख २०७७, शुक्रबार ०६:१६

काठमाडौं । सरकारले लकडाउन खुकुलो पार्ने तयारी गर्दै गरेको जानकारी आएको छ ।

स्रोतका अनुसार वैशाख २५ गतेदेखि खुकुलो हुने जानकारीमा आएको छ । स्वास्थ्य तथा जनसंख्यामन्त्री भानुभक्त ढकालले शुक्रबार राष्ट्रियसभाको विधायन व्यवस्थापन समिति बैठकमा दैनिक जीवनयापन सहज हुने गरी लकडाउन खुकुलो हुने संकेत गरेका हुन् ।

भानुभक्त ढकालले भने, ‘‘दीर्घरोगी अस्पतालको सेवाबाट वञ्चित हुने, लकडाउनका कारण घरमा बिरामी भए अस्पतालसम्म पुर्‍याउन नसकिने अवस्थालाई मध्यनजर गर्दै एम्बुलेन्सलाई एकीकृत बनाएर कसरी सेवा दिन सकिन्छ भन्ने विषयमा गृहकार्य भइरहेको छ ।”

उनले अब सहजीकरण गर्दै जाने तयारी रहेको बताए । उनले कृषि, उद्योगधन्दाहरु र अरु विभिन्न विषयमा अतिरिक्त महत्त्वपूर्ण कुराहरुमा पनि ध्यान दिने बताए ।

अहिले लकडाउन वैशाख २५ गतेसम्मका लागि छ ।

Leave a Reply

This site uses Akismet to reduce spam. Learn how your comment data is processed.