कलंकीमा कर्णेलको कारले किच्दा मृत्यु

२६ बैशाख २०७७, शुक्रबार ०२:००

कलंकीको रविभवनमा कारको ठक्करबाट मोटरसाइकल चालकको ज्यान गएको छ ।

कलंकी प्रहरीका अनुसार आज बिहान भएको दुर्घटनामा मोटरसाइकल चालक टीकाराज गेलालको ज्यान गएको हो । गेलालको नेशनल अस्पतालमा उपचारको क्रममा मृत्यु भएको प्रहरीले जनाएको छ ।

प्रहरीका अनुसार कलंकीबाट कालीमाटीतर्फ आइरहेको नेपाली सेनाका लेफ्टिनेन्ट कर्नेल शेखर जबरा सवार बा २१ च ४३४७ नम्बरको कारमा बा ७२ प ८१७२ नम्बरको मोटरसाइकल ठोक्किँन पुग्दा दुर्घटना भएको हो ।

कालीमाटीबाट तीव्र गतिमा कलंकीतर्फ गएको मोटरसाइकल चालकले सन्तुलन गुमाउँदा विपरीत लेनमा कारसँग ठोक्किन पुगेको थियो ।

मोटरसाइकललाई ठक्कर दिने कार चालक जबरालाई प्रहरीले नियन्त्रणमा लिएको छ ।
साभार: शिलापत्र

Leave a Reply

This site uses Akismet to reduce spam. Learn how your comment data is processed.