कोरोनाको उत्पत्तिबारे अनुसन्धानमा चीनले सघाउने

२६ बैशाख २०७७, शुक्रबार ०१:४७

२६ वैशाख, काठमाडौं । चीनले कोरोना भाइरस (कोभिड-१९) को उत्पत्तिको विषयमा अनुसन्धानको लागि विश्व स्वास्थ्य संगठन (डब्ल्यूएचओलाई सघाउने बताएको छ । यद्यपि यो अनुसन्धान राजनीतिक नभई वैज्ञानिक हुनुपर्ने चीनको माग छ ।

अमेरिकाले कोरोना भाइरस चीनको प्रयोगशालामा निर्माण गरिएको छ र यसको जाँच हुनुपर्ने माग राख्दै आएको छ । साथै उसले कोरोना भाइरसबारे पारदर्शी नबनेको र आफ्नो मुलुकमा नै यो भाइरसलाई नियन्त्रण गर्न नसकेको आरोप चीनमाथि छ ।

यद्यपि चीनले भने यी सबै आरोप अस्वीकार गर्दै आएको छ । चीनले पनि कोरोना भाइरसको उत्पत्ति चीनबाहिर नै भएको दाबी गरेको छ । चिनियाँ विदेशमन्त्रालयका प्रवक्ताले अमेरिका एक झुट लुकाउन अर्को झुट बोलिरहेको आरोप लगाएका थिए ।

कोरोना भाइरसको महामारीमा चीन र अमेरिकाको सम्बन्ध झनै चिसिएको छ । यो महामारीले समग्र विश्वलाई नै एक स्थानमा ल्याउने अपेक्षा गरिएको थियो । तर, त्यसको विपरीत चीन र अमेरिका यो महामारीबारे आरोप प्रत्यारोपमा उत्रिएका हुन् ।

स्रोत : बीबीसी, साभार: अनलाईन खबर

Leave a Reply

This site uses Akismet to reduce spam. Learn how your comment data is processed.