चर्चिलको मूर्तिमा ‘नस्लभेदी’ लेखियो, कोल्सटनको मूर्ति नदीमा फालियो

२६ जेष्ठ २०७७, सोमबार ०६:१०

अश्वेत नागरिक जर्ज फ्लाइडको अमेरिकामा भएको हत्यालाई लिएर संसारका विभिन्न देशमा प्रदर्शन भइरहेको छ । सोही क्रममा प्रदर्शनकारीले मध्यलण्डनमा समेत भीषण प्रदर्शन गरेका छन् ।

प्रदर्शनकारीले पार्लियामेन्ट स्क्वायरमा रहेको विन्स्टन चर्चिलको मूर्तिमा नोक्सान पुर्‍याएका छन् । मूर्तिमा प्रदर्शनकारीले चर्चिल नश्लवादी भएको लेखेका छन् । उनीहरूले चर्चिलविरोधी नारासमेत लगाएका थिए । 

सो क्रममा प्रहरीसँग झडपसमेत भएको छ । सो झडपपछि लण्डनको वेस्टमिन्सटर डिस्ट्रिक्टमा कर्फ्यू लगाइएको छ ।  बेलायती प्रधानमन्त्री बोरिस जोनसनले प्रदर्शनकारीको प्रदर्शनको तरिकामाथि प्रश्न उठाएका छन् । 

उनले ट्विट गर्दै भनेका छन्, ‘मानिसहरूलाई शान्तिपूर्ण प्रदर्शनको अधिकार छ । तर प्रहरीमाथि हमला गर्ने अधिकार छैन । विरोध गर्नेहरूले नै प्रदर्शनकारीलाई मारेका छन् । उनीहरू आफ्नो उद्देश्य पूरा गर्न सक्दैनन् । हिंसाका लागि जिम्मेवारमाथि कारबाही हुनेछ ।’ 

लण्डनमा प्रदर्शनकारीले ब्रिस्टलमा रहेको १७औँ शताब्दीका ब्रिटिस मानव तस्कर (स्लेभ ट्रेडर) एडवर्ड कल्सटनको मूर्ति उखेलेर नदीमा फालिदिएका छन् ।

नदीमा फाल्नुअघि उनीहरूले जर्ज फ्लोइडको घाँटीमा प्रहरीले थिचेजस्तै मूर्तिमा थिचेका थिए ।

कल्सटन १७औं शताब्दीमा अफ्रिकी मानिसलाई अमेरिका र अन्य देशमा बेच्ने काम गर्दथे । तर पछि उनी सामाजिक कार्य गरेर समाजमा सम्मानित नागरिक बनेका थिए । 

(Copied from Shilapatra)

Leave a Reply

This site uses Akismet to reduce spam. Learn how your comment data is processed.