अनियमितता गर्नेलाई कार्वाही हुन्छ :प्रधानमन्त्री ओली

कृपा भण्डारी
२८,जेठ काठमाडौँ । प्रधानमन्त्री केपी शर्मा ओलीले संकटको मौका छोपेर अनियमितता गर्नेलाई कारर्वाही गरिने बताउनुभएको छ । मन्त्रीपरिषद कार्यालयको बजेटमाथि उठेका प्रश्नहरुको जवाफ दिदै ओलीले संकटको फाइदा उठाउनेलाई नछोडिने बताउनुभएको हो ।

प्रधानमन्त्री ओलीले कोरोना नियन्त्रणमा सरकारले खर्च गरेको १० अर्व रुपैँयाको हिसाव खोज्ने बेला अहिले नभएको भन्दै सम्पूर्ण ध्यान कोरोनालाई नियन्त्रणमा लगाउनुपर्ने बताउनुभयो । ओलीले भन्नुभयो “ यो समय भनेको सजग हुँदै कोरोनाविरुद्ध केन्द्रित हुने हो” ।

प्रधानमन्त्री ओलीले शारिरिक श्रम, व्यायाम र आरामको साथै सकरात्मक सोचका साथ अगाडी बढेर कोरोनालाई नियन्त्रण गर्न सुझाव दिनुभयो । पुर्खाले अवलम्बन गरेको जीवनशैली र उपचार पद्धती हामीले पनि अवलम्बन गर्नुपर्ने प्रधानमन्त्री ओलीको भनाई थियो । “पुर्खाले नचाखेको कुनै पात, डाँठ र जरा थिएनन”ओलीले भन्नुभयो “हजारौ बर्ष लगाएर पुर्खाले गरेको आविष्कारलाई हामीले अवलम्बन गर्नुपर्छ ।”