बालुवाटारमा ठूलो संख्यामा प्रर्दशन, भीड नियन्त्रण गर्न अश्रुग्याँस र पानीको फोहोरा हानियो

२९ जेठ, काठमाण्डौ ।सरकारको पछिल्लो कार्यसँग असन्तुष्ट बनेका प्रदर्शनकारीले बिहिबार पनि बालुवाटारामा प्रदर्शन गरेका छन् । कोरोना नियन्त्रणको नाममा सरकारले ब्यापक अनियमितता गरेको भन्दै त्यसको उचित छानबिन हुनुपर्ने लगायतका मागसहित बालुवाटारमा प्रदर्शन गरेको हो । ठूलो संख्यामा रहेका प्रदर्शनकारीले कोरोना नियन्त्रण तथा औषधी खरिदमा भएको खर्च अपारदर्शी भएको भन्दै प्रदर्शन गरेका हुन् ।

प्रदर्शनकारीले आरडीटी परीक्षण रोक्नुपर्ने, थोपरिएको कर खारेज गर्नुपर्नेलगायतका माग राखेका छन् । ठूलो संख्यामा रहेको भीडलाई नियन्त्रणमा लिन प्रहरीले पानीको फोहोरा र अश्रुग्याँस प्रहार गरेको थियो । प्रहारपछि भीड तितरबितर भएको थियो । सोही समुहले दुई दिन अघि पनि बालुवाटारमा शान्तिपूर्ण प्रदर्शन गरेको थियो ।
तस्बिर साभारःअनलाइनखबर