सरकारविरुद्ध देशव्यापी प्रदर्शन


बुटवल – कोरोना रोकथाम र उपचारमा सरकारले प्रभावकारी काम नगरेको भन्दै नागरिक सडकमा उत्रिएका छन् ।

कुनै राजनीतिक दलको ब्यानरविना प्रदेश ५ को अस्थायी राजधानी रुपन्देहीको बुटवल, भैरहवा, पाल्पाको तानसेनसहितका शहरहरुमा नागरिकले कोरोना नियन्त्रणमा सरकारको कमजोर नीति र तयारीप्रति शान्तिपूर्ण प्रदर्शन गर्दै असन्तुष्टि पोखेका हुन् ।

सामाजिक सञ्जालहरुमा आन्दोलनमा सहभागी हुन आह्वान गरेका युवाहरुले विभिन्न नाराहरु लेखिएका प्लेकार्ड लिएर बुटवलको अस्पताल लाइनमा दूरी कायम गरेर प्रदर्शन गरेका थिए ।

उनीहरुले सरकारले कोभिड १९को महामारी रोक्नका लागि खर्च गरेको भनेको १० अर्बको हिसाबकिताब सार्वजनिक गर्न माग गरे ।

कोरोना भाइरसको संक्रमण भएकाहरुले प्रभावकारी उपचार नपाएको, मृत्युपछि मात्रै रिपोर्ट आउने गरी परीक्षणमा ढिलासुस्ती गरेको, प्रभावकारी नमानिएको आरडीटी परीक्षण गरेर क्वारेन्टिनमा बस्नेहरुलाई घर पठाउने गरेको जस्ता विषयको आलोचना गरिएका प्लेकार्ड उनीहरुले प्रदर्शन गरेका थिए ।

उनीहरुले एमसीसी सम्झौता नगर्न माग गरेका र रुकुम चौरजहारीमा भएको हत्याको छानबीन गर्न माग गरेका प्लेीकार्ड पनि बोकेका थिए ।

सहभागीहरुले ‘हाम्रो देश प्राणभन्दा प्यारो छ, यो मन त मेरो नेपाली हो’ जस्ता राष्ट्रिय गीतहरु पनि गाएका थिए । उनीहरुले आफूहरु कुनै राजनीतिक दलको आह्वानमा नभई स्वतन्त्र रुपमा सरकारको गलत कामको आलोचना गर्न सडकमा आएको बताए ।

प्रदर्शनमा सहभागी विद्यार्थी सुशील आचार्यले आफू स्वतन्त्र रुपमा कोरोना महामारी नियन्त्रणका लागि गर्नुपर्ने काम नगरेको र भाषणबाजीमा मात्रै सीमित भएकाले सरकारलाई खबरदारी गर्न सडकमा आएको बताए ।


साभार: देश संचार


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope