सरकार दमनमा उत्रेको जसपाको आरोप

३० जेष्ठ २०७७, शुक्रबार ०५:५९

जनता समाजवादी पार्टी नेपालले वर्तमान सरकार असफल भएको आरोप लगाएको छ ।

शुक्रबार जसपाका अध्यक्षद्वय महन्थ ठाकुर र उपेन्द्र यादवले संयुक्त रूपमा विज्ञप्ति निकालेर सरकार असफल साबित भएको जनाएका हुन् ।

ad
सरकार कोराना महामारीमा पनि चरम भ्रष्टाचार र अनियमितामा संलग्न हुन थालेको भन्दै त्यसले मुलुकलाई थप संकटमा धकेलेको आरोप जसपाको छ ।

उनीहरूले सरकार चौतर्फी असफल हुन थालेपछि र जनता सरकारविरुद्ध सडकमा उत्रेर जनप्रदर्शन भएकोमा त्यसका विरुद्ध सरकार दमनमा उत्रेको आरोपसमेत लगाएका छन् ।

जसपाले जनताको मागलाई दमनमार्फत नभई उनीहरूले उठाएको माग सम्बोधन गर्नसमेत सरकारसँग माग गरेकाे छ ।

साभार : नयाँ पत्रिका

Leave a Reply

This site uses Akismet to reduce spam. Learn how your comment data is processed.