बझाङमा पहिरोले १७ घर बगायो, ७ जना बेपत्ता

२० असार २०७७, शनिबार ००:३५

धनगढी- बझाङ जिल्लाको केदारस्युँ गाउँपालिका वडा ८ को एक बस्ती पहिराले बगाएको छ।

अविरल वर्षासँगै शुक्रबार राति पहिरो खस्दा केदारस्युँ गाउँपालिका वडा ८ को मल्लेसका १७ घर बगाएको स्थानीय लोकेन्द्र विकले जानकारी दिए। उनका अनुसार पहिरामा परी ७ जना बेपत्ता भएका छन्। बेपत्ताको खोजी कार्य भइरहेको उनले बताए।

बझाङ प्रहरी प्रमुख डीएसपी गणेश बमले घटनास्थलतर्फ प्रहरी टोली पठाइसकिएको जानकारी दिए। 

साभार: नेपाल समय

Leave a Reply

This site uses Akismet to reduce spam. Learn how your comment data is processed.