काठमाडौँ — आदिकवि भानुभक्त आचार्यको २०७ औँ जन्मजयन्ती सोमबार देश/विदेशमा विभिन्‍न कार्यक्रमको आयोजना गरी मनाइँदैछ । कोरोना महामारीका कारण विगतमा जस्तो औपचारिक कार्यक्रमको भने आयोजना गरिएको छैन ।

काठमाडौंको दरबार हाइस्कुल, रानीपोखरीस्थित भानुभक्तको प्रतिमामा माल्यार्पण गरिएको छ । नेपाल शिक्षा परिषद् र भानुभक्त प्रतिष्ठान नेपालले आयोजना गरेको कार्यक्रममा साहित्यप्रेमीहरुले रामायणका श्‍लोक वाचन गरेका थिए ।

राष्ट्रिय विभूति आदिकवि आचार्यको जन्म वि.सं. १८७१ साल असार २९ गते तनहुँको चुँदी रम्घामा भएको थियो । संस्कृत भाषामा रहेको रामायणलाई नेपालीमा अनुवाद गरेका भानुभक्तका प्रश्नोत्तर, भक्तमाला, वधूशिक्षालगायत कृतिहरु चर्चित छन् ।

Leave a Reply

This site uses Akismet to reduce spam. Learn how your comment data is processed.