अमेरिकी राजदूतले उपप्रधानमन्त्री पोखरेललाई भेट्नै पर्ने कारण के थियो?


काठमाडौं। काठमाडौंस्थित अमेरिकी राजदूत रेण्डी बेरीले आइतबार उपप्रधानमन्त्री तथा रक्षामन्त्री ईश्वर पोखरेलसँग भेटेका छन्। कोरोना महामारीबारे छलफल गर्न राजदूत बेरीले उपप्रधानमन्त्रीलाई भेटेको अमेरिकी दूतावासले जनाएको छ।

राजदूत बेरीले भेटमा कोभिड–१६ संकट व्यवस्थापन केन्द्र (सीसीएमसी)का संयोजकसमेत रहेका उपप्रधानमन्त्री पोखरेलसँग नेपालले लकडाउन अन्त्य गरेको विषयमा चासो राखेको रक्षामन्त्रालयका प्रवक्ता दलहादुर सुनारले जानकारी दिएका छन्। छिमेकी मुलुक भारतमा लगातार कोरोना संक्रमितको संख्या बढिरहेका बेला नेपालमा भने लकडाउन अन्त्य गरिएको भन्दै महामारीको जोखिमबारे सरकारको तयारीका विषयमा बेरीले चासो राखेको जनाइएको छ।

उपप्रधानमन्त्री पोखरेलले पछिल्ला दिनहरुमा नेपालमा कोरोना संक्रमितको संख्या घटिरहेको र स्थिति नियन्त्रणमा रहेको भन्दै राजदूत बेरीलाई आस्वस्थ पार्ने प्रयास गरेको स्रोतले बतायो।
आइतबार भएको यो भेट कोरोना महामारीमात्र सिमित नरहेको स्रोतले बताएको छ। अमेरिकी सहयोग मिलेनियम च्यालेञ्ज कर्पोरेशन (एमसीसी)बारे पनि कुरा भएको जनाइएको छ।

करिब ५५ अर्ब बराबरको अमेरिकी अनुदान सहयोग सम्बन्धि सम्झौता एमसीसी कम्प्याक्ट संसदबाट अनुमोदन गर्नुपर्ने भए पनि सत्तारुढ दल नेकपामा यो अनुमोदन गर्ने वा नगर्ने भन्ने विषयमा विवाद रहेकाले सो सम्झौता अनुमोदन हुन सकेको छैन। अमेरिकाले यसअघि नै सो सहयोग लिने वा नलिने भन्नेबारे नेपालकै निर्णय अन्तिम हुने र सँधै नेपाललाई यसप्रकारको सहयोग भइरहन्छ भन्ने नहुने बताएको थियो।

साभार: डि सी नेपाल


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope