उट्पट्याङ मन

१७ श्रावण २०७७, शनिबार १९:३०

पाना खेतमा यस्ता अक्षरहरु फलाउन मन छ
सुन्दर मनहरुले स्पर्श गर्दा फूलजस्ता,
कुरुप मनहरुले छुँदा काँचका टुक्रा जस्ता ।

मलाई बाँचेका मानिसहरूका कथा होईन
बितेकाहरुलाई ब्यूँत्याएर उनिहरुका
आँखाहरुमा म बाँचेको युगको कथा हेर्न मन छ,
त्यही कथा मेरो कवितामा फलाउन मन छ ।

मेरै देशका फेवा, रारा तालमा गएर डुंगा खियाउँदै जाँदा
उठेका तरङ्गहरुसँङ आफ्नै जीवनका कथाहरु छोड्न मन छ-
ताकि म पछाडीका पात्रहरूले सुन्दै डुंगा खियाउन सकुन ।

कतै पुस्तक पार्कमा गएर नयनहरुलाई संसार देखाउन मन छ
नितान्त एक्लो अँध्यारोमा बसेर आफ्नै कलमको निबबाट
मट्टीतेलमा एकहोरो बलिरहने टुकि लेखिरहन मन छ।

तुलसी आचार्यको कबिता

Leave a Reply

This site uses Akismet to reduce spam. Learn how your comment data is processed.