नायिका रिया चक्रवर्तीले भारतको सर्वोच्च अदालतमा निवेदन दिदै आफूलाई नायक सुशान्त सिंह राजपुतको परिवारले फसाउन खोजेको बताएकी छिन् ।

सुशान्तका पिताले पटना प्रहरीमा दर्ता गरेको एफआइआरमा रियाले सुशान्तलाई मृत्युको मुखमा पुर्याएको उल्लेख गरिएको छ । तर, रियाले भने आफूमाथि लागेको सबै आरोप झुटो भएको बताएकी हुन् ।

भारतीय मिडियाका अनुसार, रियाले एक बर्षदेखि आफू र सुशान्त लिभिङ टूगेदरमा रहेको उल्लेख गरेकी छिन् । तर, उनले सुशान्तको निधनमा आफ्नो कुनै पनि हात नभएको बताएकी छिन् ।

रियाका अनुसार, उनले जुन ८ तारिखमा सुशान्तको अपार्टमेन्ट छाडेकी थिइन् । सुशान्त डिप्रेशनमा जुधिरहेकाले पनि आफूले अपार्टमेन्ट छाडेको उनले बताएकी छिन् ।

उनका अनुसार, सुशान्तले सो समयमा डिप्रेशनको औषधी पनि खाइरहेका थिए । रियाले सुशान्त सिंहको घटनाको छानबिन मुम्बइमा हुनुपर्ने माग समेत सर्वोच्चमा गरेकी छिन् ।

तर, रियाको भनाइलाई सुशान्तकी पूर्व प्रेमिका अंकिता लोखन्डेले अस्विकार गरेकी छिन् । सुशान्तले आफ्नो भविष्यको योजना बनाइरहेकाले पनि उनी डिप्रेशनमा नभएको अंकिताको तर्क छ । अंकिताले एक भारतीय टेलिभिजनमा दिएको बयान अनुसार, सुशान्त साना–साना कुरामा खुशी खोज्ने गर्दथ्य ।

अंकिताले प्रश्न गरेकी छिन्–‘उनी अभिनय बाहेक अरु धेरै कामहरु गर्न चाहन्थे, यसैले यस्तो मानिस कसरी डिप्रेशनमा जान सक्छ ?’

source: onlinekhabar.com

By समय-समाचार

Please send us your feedback or any articles if your passion is in writing and want to publish your ideas/thoughts/stories . Our email address is kripanews59@gmail.com. If we find your articles publishable, we will publish them. It can be any opinionated articles, or stories, or poems, or book reviews. हामीलाई तपाईहरुको सल्लाह र सुझाब दिनुहोला जसले गर्दा हामीले यो पत्रकारिता, लेखन र साहित्यको क्षेत्रमा अझ राम्रो गर्न सकौ। यहाँहरुका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरु हामी छाप्ने छौ । सम्पर्क इमेल : kripanews59@gmail.com

Leave a Reply

This site uses Akismet to reduce spam. Learn how your comment data is processed.