काठमाडौं । पर्सामा ७३ जनालाई कोरोना संक्रमण पुष्टि भएपछि निषेधाज्ञा जारी भएको छ। पर्साको वीरगन्जस्थित नारायणी उपक्षेत्रीय अस्पतालको प्रयोगशालाबाट पछिल्लोपटक आइतबार राति १ बजे आएको रिपोर्टअनुसार ६१ पुरुष र १२ महिलामा कोरोना भाइरस रहेको पुष्टि भए लगत्तै जिल्ला प्रशासन कार्यालयले जिल्लाभर अनिश्चितकालिन निषेधाज्ञा जारी गरेको हो।

जिल्ला प्रहरी कार्यालय पर्साका अनुसार भारतीय नागरिक १ र बारा जिल्लाका २ जना छन्, अरू सबै पर्सा नै घर भएका संक्रमित भएपछि जिल्लाभर निषेधाज्ञा जारी गर्ने निर्णय आएको जनाएको छ।

जिल्ला प्रहरी कार्यालय पर्साकी प्रमुख गंगा पन्तका अनुसार १० वर्षदेखि ७१ वर्षसम्मका व्यक्तिहरु संक्रमित भएपछि जिल्लाभर हिँडडुल बन्द गराइएको छ। संक्रमितमा नेपाल प्रहरीका २ जना, नेपाली सेनाका १ जना, पर्साका १ पत्रकार पनि छन्।

dcnepal

Leave a Reply

This site uses Akismet to reduce spam. Learn how your comment data is processed.