खानेपानी संस्थान बुटवलका प्रमुख घुससहित धादिङबाट पक्राउ

२६ श्रावण २०७७, सोमबार ०२:३२

तिलोत्तमा, रुपन्देही — अख्तियार दुरुपयोग अनुसन्धान आयोगको टोलीले नेपाल खानेपानी संस्थान बुटवलका कार्यालय प्रमुख सन्तोष साहलाई घुससहित पक्राउ गरेको छ ।

आयोगको केन्द्रीय कार्यालय टंगालबाट खटिएको टोलीले इन्जिनियर साहलाई खानेपानी संस्थान बुटवलको लु १ ञ ९५ नम्बरको गाडीमा बुटवलबाट काठमाडौंतर्फ जाँदै गर्दा रोकेर चेक गर्ने क्रममा आइतबार धुनिबेंसी नगरपालिका–८ खानीखोलाबाट पक्राउ गरेको हो ।

उनको साथबाट स्रोत नखुलेको २ लाख ३३ हजार ५ सय रुपैयाँ नगद र बैंकमा रकम जम्मा गरेको ८ लाख २२ हजार रुपैयाँको भौचर बरामद भएको अख्तियार दुरुपयोग अनुसन्धान आयोगका प्रवक्ता तारानाथ अधिकारीले बताए ।

Leave a Reply

This site uses Akismet to reduce spam. Learn how your comment data is processed.