काठमाडौं, भदौं ४ । प्रहरीले काठमाडौं माछापोखरीबाट दुई वटा पेस्तोल, त्यसमा लाग्ने दुई म्यागजिन र १० राउण्ड गोली बरामद गरेको छ ।

घटनामा संलग्न एक जना माछापोखरीबाटै समातिएका छन् भने अर्का एक जना व्यक्तिलाई नुवाकोटबाट पक्राउ गरिएको छ ।

महानगरीय अपराध महाशाखाका प्रमुख एसएसपी दिपक थापाका अनुसार पक्राउ पर्ने नुवाकोट शिखरवेसी–६ का विकेश पण्डित र नुवाकोटको लिखु गाउँपालिका–१ का अमर तामाङ हुन् ।

तामाङले दिएको हतियार ल्याउँदै गर्दा पण्डित पक्राउ परेका थिए । तामाङलाई भने अपराध महाशाखाका प्रहरी निरीक्षक भोलाकुमार भट्टको कमाण्डमा नुवाकोट गएको टोलीले घरबाटै पक्रेर ल्याएको हो ।

Leave a Reply

This site uses Akismet to reduce spam. Learn how your comment data is processed.