काठमाडौं, भदाै १६ । पछिल्लो २४ घण्टामा देशभर एक हजार ६९ जना संक्रमित थपिएका छन्।

देशका विभिन्‍न ठाउँमा लकडाउन र निषेधाज्ञा जारी रहे पनि संक्रमण समुदायसम्म पुगेको हो। देशका विभिन्‍न १२ जिल्लामा मात्रै ७३ प्रतिशत संक्रमित रहेको स्वास्थ्य तथा जनसंख्या मन्त्रालयले जनाएको छ।

मन्त्रालयका अुनसार पछिल्लो २४ घण्टायता ३४४ महिला र ७ सय २५ जना पुरुषमा संक्रमण पुष्टि भएको हो। 

विश्वभर महामारीको रूप लिएको कोरोना भाइरसबाट नेपालमा पनि संक्रमित हुनेको संख्या ४० हजार नाघेको छ। हिजो सम्म पुष्टि भएका ३९ हजार ४६० जना संक्रमितमा आज १ हजार ६९ जना थपिएसँगै कूल संक्रमित संख्या ४० हजार ५२९ पुगेको हो।

नेपालमा २०७६ सालको माघ ९ गते चीनबाट आएका एक जनामा पहिलो पटक संक्रमण पुष्टि भएको थियो। त्यसपछि चैतको १० गते फ्रान्सबाट आएकी एक युवतीमा संक्रमण देखिएको थियो। त्यसपछि निरन्तर फैलिँदै गएको संक्रमणले अहिले दैनिक एक हजारको हाराहारीमा संक्रमण देखिन थालेको छ।

पछिल्लो २४ घण्टामा १२ हजार ८८ जनाको पीसीआर परीक्षण गरिएको छ भने हालसम्मको पीसीआर परीक्षण संख्या ७ लाख ५ हजार ५६० पुगेकाे छ।

त्यस्तै गत २४ घण्टामा ७६८ जना कोरोना संक्रमण मुक्त भएर घर फर्किएका छन्। हालसम्म २२ हजार १७८ जना पूर्ण रूपमा निको भएका छन्।

Leave a Reply

This site uses Akismet to reduce spam. Learn how your comment data is processed.