कर्णाली र सुदूरपश्चिम बाहेकका प्रदेशमा भारी वर्षाको सम्भावना
काठमाडौं, भदाै १६ । देशको केही स्थानहरूमा मेघगर्जन/चट्याङसहित हल्कादेखि मध्यम वर्षा र प्रदेश १ र गण्डकी प्रदेशका एक/दुइ स्थानहरूमा अहिले भारी वर्षा भइरहेको जल तथा मौसम विज्ञान विभागले जनाएको छ।
आगामी २४ घण्टा प्रदेश १, प्रदेश २, बागमती, गण्डकी र प्रदेश ५ का थोरै स्थानहरूमा भारी वर्षाको सम्भावना रहेको भन्दै मौसम पूर्वानुमान महाशाखाले आवश्यक सतर्कता अपनाउन अनुरोध गरेको छ।
आज दिउँसो देशभरको मौसममा सामान्य बदली रही धेरै स्थानहरूमा मेघगर्जन/चट्याङसहित हल्कादेखि मध्यम वर्षाको सम्भावना छ। प्रदेश १, २, बागमती , गण्डकी र प्रदेश ५ का थोरै स्थानहरूमा भारी वर्षा हुन सक्ने बताइएको छ।
हाल मनसुनको न्यून चापीय रेखा (वर्षा गराउने प्रणाली) नेपालको पूर्वी र मध्य भू-भाग नजिक रहेको छ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस