एजेन्सी, भदाै २६ । कोरोना भाईरसको महामारीको कारण यस वर्षको एएफसी कप फुटबल प्रतियोगिता रद्द भएको छ ।

एसियन फुटबल फेडेरसन (एएफसी) ले बिहीबार क्लब स्तरीय एएफसी कप रद्द गर्ने निर्णय गरेको हो ।

अनलाईनको माध्यमबाट बसेको एएफसीको बैठकले कोरोनालाई मध्येनजर गर्दै यस वर्षको एएफसी कप रद्द गर्ने निर्णय गरेको हो ।

एएफसी कपमा यस वर्ष नेपालको क्लबले सहभागिता जनाउने थिएँन । नेपालको लिग च्याम्पियन मछिन्द्र फुटबल क्लबले एएफसीको क्लब लाईसेन्स नपाएको कारण एएफसी कप खेल्ने मौका गुमाएको थियो ।

यस्तै युएईमा तय भएको एएफसी फुटसल क्लब च्याम्पियनसिप समेत रद्द गरिएको छ ।

एएफसीले एएफसी यू-१६ र यू-१९ च्याम्पियनसिप २०२१ सम्मको लागि स्थगित गरेको छ ।

एएफसी सोलिडारिटी कप समेत २०२४ सम्मका लागि स्थगित गरिएको छ ।

तर, एएफसी फुटसल च्याम्पियनसिप कुवेतमा डिसेम्बर २-१३ सम्म गराउने निरणय गरेको छ ।

त्यस्तै एएफसी च्याम्पियन्स लिगको इस्ट जोनको खेलहरु नोभेम्बर १५ देखि १३ डिसेम्बरसम्म गर्ने निर्णय गरेको छ ।

Leave a Reply

This site uses Akismet to reduce spam. Learn how your comment data is processed.