शक्तिशाली अमेरिका हारेको त्यो दिन, सेप्टेम्बर ११ !


एजेन्सी, भदौ २६ । आज सेप्टेम्बर ११ । सन् २००१ को आजकै दिन अमेरिकामा आतंकवादी आक्रमण भएको दिन हो ।

आक्रमणमा ज्यान गुमाएका हजारौको सम्झनामा आज अमेरिकामा स्मृति सभा लगायतका कार्यक्रम गरिदै छ ।

१९ वर्ष अघि आजकै दिन १९ जना अपहरणकारीले चार वटा विमान अपहरण गरेर न्यूयोर्कस्थित वल्र्ड टावरका जुम्ल्याहा भवन, वासिङ्टनस्थित रक्षामन्त्रालय पेन्टागनका भवनमा ठोक्काएर भिषण आक्रमण गरेका थिए ।

आन्तरिक उडानको तयारी अवस्थामा रहेका अमेरिकन एयरलाइन्स फ्लाइट र युनाइटेड एअरलाइन्स अपहरण गरेर आतंकवादी समूहले आक्रमण गरेका थिए ।

भिषण आक्रमणबाट दुई घण्टा मै १ सय १० तले विश्व व्यापार केन्द्र ध्वस्त भयो भने करिब ३ हजारको ज्यान गयो। आतंकवादी संगठन अल कायदका तत्कालिन प्रमुख ओसामा विन लादेनको योजना अनुसार भएको आक्रमणबाट झण्डै ६ हजार जना घाइते भएका थिए ।

विश्वलाई स्तब्ध पार्ने उक्त भयानक आक्रमणमा अमेरिका लगायत विश्वका ९२ मुलुकका नागरिक मारिएका थिए ।

आतंकवादी आक्रमणपछि अमेरिकाले अलकायदा र आतंकवादीलाई संरक्षण गरेको भन्दै अफगानिस्तान र इराक माथि सैन्य कारबाही गरेको थियो ।

नेटो नेतृत्वको सैन्य कारबाहीबाट अफगानिस्तानबाट तालिबान नेतृत्वको सरकार अपदस्थ भयो भने सैन्य अभियानको ९ वर्ष पछि अमेरिकी सेनाको गोप्य कारबाहीमा अलकायदाका प्रमूख लादेन पाकिस्तानको एबोटावाद मारिए ।

आतंकवाद विरुद्ध युद्ध छेडेको अमेरिकाले अफगानिस्तानबाट सन् २ हजार १४मा सैनिक फिर्ता गरेको थियो । अहिले अफगानिस्तानमा जारी १९ वर्ष लामो युद्ध अन्त्यको प्रयास अन्तर्गत अफगान सरकार र तालिबानबीच शान्ति वार्ताको तयारी भइरहेको छ ।

अमेरिका र तालिबानबीच गत फ्रेबुअरीमा शान्ति सहमति भएपछि वार्ताको मार्गप्रशस्त भएको छ ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope