सिन्धुपाल्चोक पहिरो अपडेटः ७ वटा शव फेला, २४ बेपत्ता, सभामुख घटनास्थल पुगे (फाेटाे फिचर)


सिन्धुपाल्चोक, भदाै २८ । सिन्धुपाल्चोकको बाह्रबिसेका विभिन्न स्थानमा गएको पहिरोमा बेपत्तामध्ये सात जनाको शव फेला परेको छ। पहिरोमा पुरिएर अझै २४ जना बेपत्ता रहेको प्रहरीले जनाएको छ ।

अहिले सम्मका खोजीमा ७ जनाको शव फेला परेको र २४ जना अझै बेपत्ता रहेको सिन्धुपाल्चोकका प्रमुख जिल्ला अधिकारी उमेशकुमार ढकालले जानकारी दिए । पहिरोले १९ घर पुरिएको प्रहरीको प्रारम्भिक अनुमान रहेको छ । पुरिएका घरको संख्या अझै बढ्न सक्ने प्रजिअ ढकालले बताए ।

वर्षा नरोकिंदा उद्दार र तत्काल राहत पठाउन असहज भएको प्रजिअ ढकालले बताए । उनका अनुसार सदरमुकाममा हेलिकप्टर र राहत बोक्ने गाडी तयारी अवस्थामा राखिएको छ । २५० परिवारलाई तत्काल उद्धार गरेर अन्यत्र सार्न आवश्यक रहेको प्रहरीले बताएको पनि प्रजिअ ढकालले बताए ।

उद्दारका क्रममा भेटिएको शवको सनाखत हुन सकेको छैन । प्रहरीले उद्दार तथा सनाखतको प्रयास पनि गरिरहेको छ । बाह्रबिसे नगरपालिकाको भीरखर्कबाट पहिरो नागपुजे हुँदै भोटेकासीसम्म खसेको प्रहरीले जनाएको छ ।

यसैबीच पहिरो खसेको जानकारी पाउनासाथ सभामुख अग्नी सापकोटा घटनास्थल पुगेका छन् । उनले पहिरो स्थलमै पुगेर स्थानीय तह र प्रहरीको समन्वयमा उद्दार तथा राहतको काममा तिब्रता दिन स्थानीय प्रशासनलाई आग्रह गरे ।

पहिरो खसेको जानकारी पाएलगत्तै उनी बिहान ४ बजे स्थल मार्गबाट घटनास्थल हिँडेका थिए । सिन्धुपाल्चोक सभामुख सापकोटाको गृह जिल्ला हो ।

यसैबीच सिन्धुपाल्चोकका प्रमुख जिल्ला अधिकारी उमेशकुमार ढकालले पहिरोग्रस्त क्षेत्र आसपासका २२७ घरपरिवारलाई सुरक्षित स्थानमा सार्ने विषयमा छलफल भइरहेको बताए।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope