काठमाडौं, असाेज १ । हाल मनसुनको न्युन चापीय रेखा नेपाल भन्दा दक्षिण तर्फ रहेको छ।

हाल देशभर सामान्य बदली रही सातै प्रदेशका केही स्थानहरु मेघगर्जन र चट्याङसहित हल्कादेखि मध्यम वर्षा भइरहेको जल तथा मौसम विज्ञान विभागले जनाएको छ ।

आज विहान ५ बजे मापन भए अनुसार पछिल्लो ३ घन्टा बाँके, बर्दिया र कैलालीका भारतीय सीमा आसपास मध्ययम (ठुलो बर्षा) भएको र आसपासका स–साना नदीहरुमा बहाव केही बढ्ने सम्भावना रहेकाले सतर्कता अपनाउन विभागले चेतावनी जारी गरेको छ ।

त्यसैगरी आज विहान ४ बजे मापन गरिए अनुसार पछिल्लो ३ घण्टा कास्कीको पोखरा लगायत कास्की, स्याङजा, तनहुँ र लमजुङको सीमा आसपास ठुलो बर्षा भ‌एको र थप बर्षा हुने रहेको छ ।

त्यस क्षेत्र आसपास भई बहने केही स‍–साना नदीहरुमा आकस्मिक बहाव हुन सक्ने सम्भावना रहेकाले सतर्कता अपनाउन विभागले आग्रह गरेको छ ।

आज दिउँसो देशभर सामान्यतया बदली रही केही स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।

प्रदेश १, बाग्मती प्रदेश, गण्डकी प्रदेश, प्रदेश ५ रसुदुरपश्चिम प्रदेशका एक, दुई स्थानहरुमा भारी वर्षाको सम्भावना रहेको विभागले जनाएको छ ।

आज रातीको मौसम देशभर सामान्यतया बदली रही केही स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।

प्रदेश १, प्रदेश नं २, बागमती प्रदेश, गण्डकी प्रदेश र प्रदेश ५ का एक, दुई स्थानहरुमा भारी वर्षाको सम्भावना रहेको जल तथा मौसम विज्ञान विभागले जनाएको छ।

Leave a Reply

This site uses Akismet to reduce spam. Learn how your comment data is processed.