राष्ट्रिय सभा सदस्यको शपथ लिएसँगै बामदेव बने माननीय

१ आश्विन २०७७, बिहीबार १७:०७

काठमाडौं, असाेज १ । नेपाल कम्युनिष्ट पार्टी (नेकपा)का उपाध्यक्ष वामदेव गौतमले राष्ट्रिय सभा सदस्यको शपथ लिएका छन्।

बर्दिया १ बाट प्रतिनिधिसभा चुनाव हारेका नेकपा उपाध्यक्ष वामदेव गौतम ‘माननीय’ भएका छन्। गौतमले  बिहीबार दिउँसो राष्ट्रिय सभा सदस्यको सपथ लिएका हुन ।  यसअघि आजै राष्ट्रपति विद्यादेवी भण्डारीले उनलाई मन्त्रिपरिषदको सिफारिसमा राष्ट्रिय सभा सदस्य मनोनित गरेकी थिइन्। 

बिहीबार बसेको मन्त्रिपरिषद् बैठकले गौतमलाई राष्ट्रिय सभा सदस्यमा मनोनयन गर्नका लागि सिफारिस गर्ने निर्णय गरेको थियो।

सोही निर्णयअनुसार राष्ट्रपति विद्यादेवी भण्डारीले आज उनलाई राष्ट्रिय सभामा नियुक्त गरेकी थिइन्।

दिगाे विकास समितिकाे सिंहदरबारस्थित हलमा दिउँसो ४ बजे गौतमले शपथ लिएका हुन्।

Leave a Reply

This site uses Akismet to reduce spam. Learn how your comment data is processed.