गौतम बुद्ध अन्तर्राष्ट्रिय विमानस्थलको दोस्रो टर्मिनल बनाउन मन्त्री भट्टराईले मागे सुझाव (फाेटाेसहित)
काठमाडौं, असाेज ६ । निर्माणको अन्तिम चरणमा रहेको गौतम बुद्ध अन्तर्राष्ट्रिय विमानस्थल भैरहवामा दोस्रो टर्मिनल भवन बनाउन संस्कृति, पर्यटन तथा नागरिक उडड्यनमन्त्री योगेश भट्टराईले सुझाव मागेका छन् ।
दोस्रो टर्मिनल भवनका लागि विभिन्न डिजाइनसहित मन्त्री भट्टराईले सामाजिक सञ्जाल फेसबुकमार्फत सुझाव माग गरेका हुन् । मन्त्री भट्टराईले लेखेका छन्, ‘गौतम् बुद्ध अन्तर्राष्ट्रिय बिमानस्थल भैरहवामा दोश्रो टर्मीनल भवनको निर्माणको तयारी शुरु भएको छ । टर्मीनलका बिभिन्न डिजाइनमा यहाँहरुको सुझाबका अपेक्षा गरिएको छ ।’
मन्त्री भट्टराईलाई सुझाव दिँदै प्रदेश ५ का मुख्यमन्त्री शंकर पोखरेलले अन्तर्राष्ट्रिय स्तरको हुनुपर्ने बताएका छन् । उनले लेखेका छन्, ‘अब बन्ने टर्मिनल भवन अन्तर्राष्ट्रिय स्तरको विजनेश सेन्टर सहितको हुनु पर्दछ । बाहिरी स्वरुप हेर्दा नमस्ते आकार सुन्दर देखिन्छ ।’
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस