सरकार विरुद्ध देशव्यापी आन्दोलन गर्ने काँग्रेसको तयारी


काठमाडौं, असाेज १४ । प्रमुख प्रतिपक्षी नेपाली कांग्रेसले सरकारविरूद्ध देशव्यापी आन्दोलन गर्ने गर्नेभएको छ ।

सभापति शेरबहादुर देउवाको निवास बुढानिलकण्ठमा बुधबार बसेको पदाधिकारी बैठकले सरकार भ्रष्टाचार नियन्त्रण गर्न र कोरोनाभाइरस नियन्त्रण तथा रोकथाममा चुकेको भन्दै देशव्यापी आन्दोलन गर्ने तयारी गरेको हो।

‘कोरोना भाइरस नियन्त्रण तथा रोकथाम झन संकटपूर्ण बन्दै गएको छ । महामारीका बेला सरकारका मन्त्रीहरु भ्रष्टाचार तथा अनियमिततामा मुछिएका छन् । बेरोजगारी र महंगी बढेको छ । यसको विरोध गर्नुको विकल्प छैन’, बैठकपछि सहमहामन्त्री प्रकाशशरण महतले भने ।

आगामी १९ गते बस्ने केन्द्रीय कार्यसमिति बैठकले सरकार विरुद्ध आन्दोलनका ठोस कार्यक्रम तय गर्ने पनि पदाधिकारी बैठकले निर्णय गरेको छ ।

सरकार विरुद्ध उठेका यी सवालबारे छलफल गर्न अबिलम्ब संसद बैठक बोलाउन पनि काँग्रेसले माग गरेको छ ।

पदाधिकारी बैठकमा पार्टीभित्रको विवादबारे पनि छलफल भएको छ । सभापति देउवाले पार्टीमा एकलौटी गरेको भन्दै वरिष्ठ नेता रामचन्द्र पौडेलसहित २७ केन्द्रीय सदस्यले पार्टी कार्यालयमा विरोधपत्र नै दर्ता गराएका छन् ।

त्यसबारे पनि १९ गते नै केन्द्रीय कार्यसमितिमा छलफल हुनेभएको छ । आजको पदाधिकारी बैठकमा भने महामन्त्री शशांक कोइराला र कोषाध्यक्ष सीतादेवी यादव अनुपस्थित भएका थिए ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope