नेपालमा बलात्कारको अवस्था चिन्ताजनक छैन : गृहमन्त्री


काठमाडौं, असोज १५ । गृहमन्त्री रामबहादुर थापाले नेपालमा बलात्कारका घटना बढिरहेपनि विश्वका अरु देशको तुलनामा अवस्था चिन्ताजनक नभएको बताउनुभएको छ ।

संसदको राज्य व्यवस्था तथा सुशासन समितिमा बुधबार भएको छलफलमा उहाँले विश्वका २०० भन्दा बढी देशको तथ्यांक विश्लेषण गर्दा नेपाल बलात्कारका घटनामा धेरै पछाडि रहेको बताउनुभएको हो ।

गृहमन्त्री थापाले ‘नेपालको स्थान पछाडिबाट हेर्दा सवा २०० मुलुकमध्ये टप १५ मा छौं’-भन्नुभयो ।

मन्त्री थापाले बलात्कारका घटना रोक्न अधिकतम् प्रयत्न भएपनि पछिल्लो समय हरेक दिन छ/सातजना बलात्कृत हुने गरेको तथ्यांक रहेको बताउनुभयो ।

पछिल्लो समय बालिका र महिलामाथि हुने बलात्कारका घटना बढेकाले कानुनलाई अझ कडाइ गर्नुपर्ने आवाज उठिरहेको बेला गृहमन्त्री थापाले घटना रोक्न निष्ठापूर्वक प्रयत्न भइरहेको बताउनुभयो ।

गृहमन्त्री थापाले निर्मला पन्तको बलात्कारमा संलग्नलाई कारबाही गर्न ढिलाइ भएको स्वीकार गर्दै अपराधीलाई कानुनी दायरामा ल्याउन निरन्तर प्रयास भइरहेको बताउनुभयो ।

बझाङकी सम्झना कामीलगायतमाथि भएको बलात्कार तथा हत्याका आरोपीलाई कानुनी दायरामा ल्याउन सरकारले कडा कदम चालेको उहाँको भनाइ थियो ।

सम्झनाको यही असोज ७ गते बलात्कारपछि हत्या गरिएको घटनाका आरोपितलाई प्रहरीले पक्राउ गरेको पनि गृहमन्त्रीले जानकारी दिनुभयो ।

बैठकमा नेपाली प्रहरीका महानिरीक्षक शैलेश थापा क्षेत्रीले सप्तरीको घटनामा पनि पञ्चायती गरेर पीडितलाई सजाय गरेको अवस्था रहेको देखिएको बताउनुभयो ।

समाजले फौजदारी अभियोगमा मिलपत्र गर्ने पराम्पराले यस्ता घटनाहरुलाई मलजल गरेको बुझाइ प्रहरीको रहेको उहाँको भनाइ थियो ।


Please send us your feedback or any articles if your passion is in writing and want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईहरुको सल्लाह र सुझाब दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौ। यहाँहरुका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरु हामी छाप्ने छौ । सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode