प्रदेश ५का मुख्यमन्त्री शंकर पोखरेलको गाडी तोडफोड प्रयास
बुटवल, असोज १९ । प्रदेश राजधानी सारिएकामा आक्रोशित भीडले प्रदेश ५ का मुख्यमन्त्री शंकर पोखरेलको गाडी तोडफोड गरेको छ ।
पोखरेलको सुरक्षाका लागि प्रयोग गरिएको गाडीमा पनि ढुंगा प्रहार गरिएको छ । प्रहरीले हवाई फायरसमेत गरेको छ ।
काठमाडौंबाट कडा सुरक्षाकाबीच बुटवल फर्किनु भएका पोखरेल सवार गाडीलाई लक्षित गरी आन्दोलनकारीले ढुंगा प्रहार गरेका हुन् ।
बुटवलको मिलनचोक नजिक आन्दोलनकारीले प्रहार गरेको ढुंगाले मुख्यमन्त्रीको स्कर्टिङमा रहेको प्रहरीका दुई गाडीमा क्षति पुगेको छ ।
प्रहरीको गाडीको शिशा फुटेको प्रहरीले जनाएको छ । मुख्यमन्त्रीको गाडीमा ढुंगा लागेर क्षति पुगेको छ ।
आन्दोलन चर्किएपछि नेताहरुसँग कुरा मिलाउन शनिबार काठमाडौं जानु भएका मुख्यमन्त्री पोखरेल आइतवार गौतमबुद्ध विमानस्थल भैरहवाबाट बुटवल फर्किदै हुनुहुन्थ्यो ।
ढुंगा प्रहारपछि प्रहरीले बुटवलको मिलनचोकबाट केही आन्दोलनकारीलाई प्रक्राउ गरेको छ ।
प्रदेशको राजधानी दाङ र नाम लुम्बिनी राख्ने प्रस्ताव प्रदेश संसदमा लगेपछि बुटवलवासी आक्रोशित भएका हुन् ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस