कोरोना विरुद्धको खोपका लागि विश्व बैंकद्वारा १२ अर्ब डलर सहयोगको प्रस्ताव पारित


काठमाडौं, असोज २९ । विश्व बैकले कोरोना भाइरसविरुद्धको खोप विकास तथा वितरण अभियानमा सघाउन १२ विलियन अमेरिकी डलर सहयोगको प्रस्ताव पारित गरेको छ ।

विश्वका कमजोर अर्थतन्त्र भएका मुलुकहरुलाई कोरोनाविरुद्धको खोप खरिद तथा वितरण गर्न सहयोग गर्नेगरी विश्व बैंकले उक्त बजेट पारित गरेको हो ।

बैंकले जारी गरेको एक विज्ञप्तीमा कोरोनाविरुद्धको बृहत अभियान ‘विश्व बैंक गु्रप प्याकेज’को एक सय ६० विलियन डलरअन्तरगत नै तत्कालका लागि १२ विलियन डलरको योजना घोषणा गरिएको जनाइएको छ ।

विश्व बैंकले आफ्नो विज्ञप्तीमा यो सहयोग विश्व स्वास्थ्य संगठनले नेतृत्व गरेको ‘कोभ्याक्स’ योजना अन्तरगत खर्च गरिने पनि प्रष्ट पारेको छ ।

गरिब मुलुकमै कोरोना भाइरसविरुद्धको खोपको अनुसन्धान गर्ने तथा खोपमा उनीहरुको पहुँच बढाउने लक्षमा पनि पछिल्लो बजेट विनियोजन केन्द्रित रहेको पनि विश्व बैंकले जनाएको छ ।

‘कोभ्याक्स’ योजना विश्व स्वास्थ्य संगठनको नेतृत्वमा विश्वभरका एक सय ११ कमजोर अर्थतन्त्र भएका मुलुकलाई कोरोनाविरुद्धको खोप खरिद र वितरण गर्न सहयोग गर्नेगरी ल्याइएको हो ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope