लेस्टरको जितमा भार्डे नायक


काठमाडौं, कात्तिक १४ । जेमी भार्डेको र हाम्जा चौधरीको गोलमा प्रिमियर लिगको क्लब लेस्टर सिटीले गएराति युरोपा लिगमा एईके एथेन्सलाई २–१ ले पराजित गरेको छ।

३३ वर्षे भार्डेले पेनाल्टीमा गरेको गोलबाट लेस्टरले १८औं मिनेटमा अग्रता लिएको थियो। एथेन्सका गोलकिपर पानाजियोटिस टिसिन्टोटसले भार्डेलाई फाउल गरेपछि लेस्टरले पेनाल्टी अवसर पाएको थियो। ३९औं मिनेटमा चौधरीले लेस्टरको अग्रता दोब्बर बनाए।

मुमेर टानकोभिकको गोलबाट एथेन्सले पुनरागमन गर्ने संकेत गरेको थियो। तर, एथेन्सका खेलाडीले लेस्टरको रक्षापंक्ति तोड्न सकेनन्। लेस्टरका प्रशिक्षक ब्रेन्डन रोजर्सले खेलअघि रक्षक जोनी इभान्स र टिमोथी कास्टाग्ने घाइते भएको खुलासा गरेका थिए। दुवै खेलाडी नोभेम्बरको अन्तर्राष्ट्रिय विदाका क्रममा घाइते भएका थिए।

जितसँगै ६ अंक जोडेको लेस्टर समूह को दोस्रो स्थानमा छ। समान ६ अंक जोडेको ब्रागा शीर्ष स्थानमा छ। पोर्चुगलको ब्रागाले जोर्यालाई समान २–१ कै नतिजामा पराजित गरेको थियो। 


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope