आईपीएल २०२० : बेङ्गलोरलाई ६ विकेटले पराजित गर्दै दिल्ली क्वालिफायरमा


एजेन्सी, कात्तिक १८ । इन्डियन प्रिमियर लिग (आईपीएल २०२०) मा दिल्ली क्यापिटल्स विजयी भएको छ ।

सोमबार राति सम्पन्न खेलमा दिल्लीले रोयल च्यालेञ्जर्स बेङ्गलोरलाई ६ विकेटले पराजित गरेको हो । जितसँगै दिल्लीले क्वालिफायरमा मुम्बइसँगको भेट पक्का गरेको छ ।

१ सय ५३ रनको लक्ष्य पछ्याएको दिल्लीले १९ ओभरमा भेट्टाएको थियो । दिल्लीको जितमा शिखर धवन र अजिङ्क्य रहानेले अर्धशतकीय पारी खेले । धवनले ४१ बलमा ५४ तथा रहानेले ४६ बलमा ६० रन बनाए ।

यस्तै मर्कूस स्टाेइनिस र ऋषभ पन्तले नटआउट १० र ८ रनकाे पारी खेले भने कप्तान श्रेयासले ७ रन बनाएका थिए । यसअघि, अबुधाबीस्थित शेख जायद स्टेडियममा टस हारेर ब्याटिङको निम्तो पाएको बेङ्गलोरले ओपनर देवदत्त पडिक्कलको अर्धशतकीय पारीको मद्धतमा १ सय ५२ रन बनाएको थियो ।

बेङ्गलोर पडिक्कलले ५०, एबी डि भिलियर्सले ३५, विराट कोहलीले २९, शिभम् दुबेले १७ तथा जोस पिलिपले १२ रन जोडे । मध्यम सुरुवात गरेको बेङ्गलोरले ४.१ ओभरमा अष्ट्रेलियन ब्याट्सम्यान फिलिपलाई १२ रनमा गुमाएको थियो । तेस्रो नम्बरमा आएका कप्तान कोहलीले पडिक्कलसँग ५७ रनको साझेदारी गर्दै टोलीको स्कोर ८२ रनसम्म पुर्याए । आउट हुन अघि कोहलीले २९ रन बनाएका थिए ।

यसैगरी, टोलीको स्कोर १ सय १२ रन हुँदा लगतार दुई बलमा अन्तरालमा पडिक्कललाई ५० तथा अलराउन्डर क्रिस मोरिसलाई शून्य रनमा गुमाएको थियो । दुबैजनालाई एनरिच नोर्ट्जेले आउट गरे । यस्तै, १९औं ओभरको अन्तिम बलमा दुबेपनि रबडाको बललाई खेल्ने क्रममा डिप मिड विकेटमा रहानेद्वारा क्याच आउट भए । एबी डि भिलियर्स २०औं ओभरको दोस्रो बलमा दुई रन लिने क्रममा रनआउट हुन पुगे ।

जितसँगै दिल्लीले १४ खेलबाट १६ अंक जाेडेकाे छ भने बेङ्गलाेरकाे १४ अंकमा सीमित रहँदै तेस्राे स्थानमा रहेकाे छ । बेङ्गलाेरले नेट रनरेटमा काेलकाताभन्दा माथि रहँदै प्लेअफमा स्थान पक्का गरेकाे हाे । मंगलबार लिग चरणकाे अन्तिम खेलबाट प्लेअफमा पुग्ने चाैथाे टाेलीकाे टुंगाे लाग्नेछ ।

भाेली मुम्बइ इन्डियन्स र सनराइजर्स हैदराबादबीचकाे खेलमा हैदराबाद विजयी भएमा काेलकाता नाइट राइडर्स प्रतियाेगिताबाट बाहिरिने छ भने मुम्बइले जित हात पारेमा हैदराबाद समूह चरणबाटै घर फर्किनेछ ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope