आजको मौसम : पहाडी क्षेत्रमा आंशिकदेखि सामान्य बदली, केही स्थानमा हल्का बर्षाको सम्भावना

१८ कार्तिक २०७७, मंगलवार ०७:०१

काठमाडौं, कात्तिक १८ । हाल देशभरको मौसममा प्रभाव देखाउने कुनै पनि उल्लेखनीय मौसमी प्रणाली कायम छैन ।

हाल प्रदेश १, गण्डकी प्रदेश, कर्णाली प्रदेश र सुदूरपश्चिम प्रदेशका पहाडी भू-भाग र प्रदेश २ र लुम्बिनी प्रदेशको मौसममा आंशिक बदली रहेको छ ।

त्यस्तै देशका बाँकी भू-भागको मौसम सामान्यतया सफा रहेको जल तथा मौसम विज्ञान विभागले जनाएको छ । आज दिउँसो देशभर पहाडी भू-भागहरुमा आंशिक देखि सामान्य बदली रहनेछ ।

त्यस्तै अन्य भू-भागको मौसम सामान्यतया सफा रहनेछ । देशका पहाडी भू-भागहरुका केही स्थानमा हल्का बर्षाको सम्भावना रहेको विभागले जनाएको छ ।

आज राती देशका पहाडी भू-भागहरुमा आंशिक बदली रहनेछ । त्यस्तै अन्य भू-भागको मौसम सामान्यतया सफा रहने जल तथा मौसम विज्ञान विभागले जनाएको छ ।

Leave a Reply

This site uses Akismet to reduce spam. Learn how your comment data is processed.