कोरोना संक्रमणबाट जनता समाजवादी पार्टीका नेता इस्बोको निधन

१८ कार्तिक २०७७, मंगलवार १६:१०

विराटनगर, कात्तिक १८ । कोरोना भाईरस संक्रमणका कारण जनता समाजवादी पार्टीका नेता गजेन्द्रबहादुर लिम्बु (इस्बो) को निधन भएको छ ।

इस्बोलाई २७ असोजमा कोरोना संक्रमण पुष्टि भएपछि १२ कात्तिकमा न्यूरो अस्पताल विराटनगरमा भर्ना गरिएको थियो । निमोनियाको समस्या देखिएका उनको मंगलबार बिहान ३ः३० बजे मृत्यु भएको अस्पतालले जनाएको छ ।

उनी जनता समाजवादी पार्टीको लिम्बुवान राष्ट्रिय समितिको उपाध्यक्ष हुन् । इस्बो पूर्व गोर्खा सैनिकको अधिकारको क्षेत्रमा लामो समययता लड्दै आएका थिए । भूतपूर्व ब्रिटिस गोर्खा सैनिक संघका पूर्व अध्यक्ष रहेका ६३ वर्षीय इस्बो समाजवादी पार्टीका नेता हुन । उनी धरान उपमहानगरपालिकाको उपनिर्वाचनमा मेयरको उम्मेदवार बनेका थिए ।

Leave a Reply

This site uses Akismet to reduce spam. Learn how your comment data is processed.