धौलागिरी अस्पताल बागलुङमा उपचारत एक कोरोना संक्रमितको मृत्यु


बागलुङ, कात्तिक १८ । बागलुङको धौलागिरी अस्पतालमा उपचारत एक कोरोना संक्रमित पुरुषको मृत्यु भएको छ ।

बागलुङ नगरपालिका वडा नम्बर-३ का ६६ बर्षिया पुरुषको सघन उपचार कक्ष आइसियुमा उपचारको क्रममा मृत्यु भएको अस्पतालका सुचना अधिकारी तिर्थराज गौतमले बताए ।

फोक्सो र मुटु सम्बन्धि समस्याले स्वास प्रस्वासमा समस्या देखिएपछि कार्तिक १२ गते अस्पताल आएका मृतकको १४ गतेको स्वास परिक्षणमा कोरोना संक्रमण देखिएको थियो । अस्पताल आउँदा नै कमजोर स्वास्थ्य अवस्था रहेकोले सुरुबाटै सघन उपचार कक्ष आइसियुमा राखि उपचार सुरुगरिएको अस्पतालका मेडिकल सुपरिटेन्डेन्ट डाक्टर शैलन्द्र बि.क. पोख्रेलले बताए ।

अस्पतालको आइसियुमा भेन्टिलेटरमै राखि उपचार गराईरहेका संक्रमितको कार्तिक १८ मंगलबार बिहान १०ः२० बजे उनको मृत्यु भएको सूचना अधिकारी गौतमले बताए ।

नेपालकै पाँचौं र छैटौं कोरोना संक्रमितको बिरामीको उपचार थालेको धौलागिरी अस्पतालमा संक्रमितको मृत्यु भएको यो पहिलो घटना हो । अस्पतालका प्रमुख डाक्टर शैलेन्द्र बिक पोखरेलका अनुसार ती पुरुषमा मुटु र फोक्सोको समस्या थियो ।

मृतकको शब ब्याबस्थापनका लागिनेपाली सेनालाई आग्रह गरेकाे र सेनाले शवको व्यवस्थापन गर्ने बागलुङका प्रमुख जिल्ला अधिकारी सुरेश न्यौपानेले बताए ।

अस्पतालमा अन्य ६ जना संक्रमितको उपचार भैरहेको छ भने जिल्लाका अन्य आईसोलेसनमा १ सय ४ जना सक्रिय संक्रमितको उपचार भैरहेको छ । यो सँगै बागलुङमा कोरोना संक्रमणबाट मृत्यु हुनेको संख्या ५ पुगेको जिल्ला स्वास्थ्य कार्यालय बागलुङका प्रमुख सुरज गुरौले बताए ।

यो सँगै गण्डकी प्रदेशमा कोरोना संक्रमणका कारण मृत्यु हुने संक्रमितको संख्या ८२ पुगेको छ ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope