हँगेरीका विदेशमन्त्रीको टोली आज नेपाल आउँदै

१९ कार्तिक २०७७, बुधबार ०६:१८

काठमाडौं, कात्तिक १९ ।  हंगेरीका विदेश तथा वाणिज्य मन्त्री पिटर सिजारतो नेतृत्वको १२ सदस्यीय टोली बुधबार नेपाल आउने भएको छ ।

विशेष विमानमार्फत टोली थाइल्याण्डबाट बुधबार साँझ नेपाल आउने भएको हो ।

टोलीले नेपाल भ्रमणका क्रममा परराष्ट्रमन्त्री प्रदीप ज्ञवाली र उद्योग, वाणिज्य तथा आपूर्ति मन्त्री लेखराज भट्टसँग भेटवार्ता गर्ने जनाइएको छ ।

चीनसँगको सम्बन्धबाट यूरोप नै अलग हुन लागिरहेको तथा कोरोना महामारी बढिरहेका बेला परीक्षण नै नभएको कोरोना भाइरसविरुद्धको भ्याक्सिन चीनसँग किन्ने सम्झौता गरिसकेको हँगेरीको टोली नेपाल आउनुलाई रहस्यपूर्ण मानिएको छ ।

नेपाल आउन लागेको टोलीले कम्बोडियाको पनि भ्रमण गरेको थियो ।

Leave a Reply

This site uses Akismet to reduce spam. Learn how your comment data is processed.