एजेन्सी, कात्तिक २० । अमेरिकी राष्ट्रपति पदमा डेमोक्रेट उम्मेदवार पूर्वउपराष्ट्रति जो बाइडेनको विजय करिब निश्चित देखिएको छ । जीत घोषणाका लागि बाइडेनलाई अब ६ मत मात्र आवश्यक परेको छ ।

आगामी चार वर्षका लागि ह्वाइट हाउसमा पुग्न सम्पूर्ण शक्ति खर्चिएका राष्ट्रपतिका दुई उम्मेदवार वर्तमान राष्ट्रपति डोनल्ड ट्रम्प र बाइडेनबीचको यो निर्वाचनको मत परिणाम पनि चुलेसीको धारका बीचबाट भइरहेको छ ।

अत्यन्तै झिनो प्रतिशतको मतान्तरमा राज्यहरुको मत परिणाम उलटपुलट भएका छन् । राष्ट्रपति ट्रम्प निकट मानिएको अमेरिकी समाचार संस्था फक्स न्यूजका अनुसार नै पनि बाइडेनलाई जीतका लागि जम्मा ६ इलेक्टोरल मत आवश्यक परेको छ ।

तर बाइडेनले यो मत नेभादाबाट जोड्न सक्ने अनुमान गरिएको छ । यद्यपि, त्यहाँ पनि दुई उम्मेदवारबीच निकै कडा प्रतिष्पर्धा रहेको छ । केही हजार मतले मात्र अगाडी रहनुभएका बाइडेनले झिनो संख्याले उक्त राज्यको ६ इलेक्टोरल मत आफ्नो पक्षमा पार्न सके उहाँको जीत सुनिश्चित देखिन्छ ।

यसअघि ब्याटलग्राउण्डका रुपमा चिनिएको विस्कन्सिन र मिचिगनमा सन् २०१६ को परिणाम उल्ट्याउँदै बाइडेनले परिणाम आफ्नो पोल्टामा पारेपछि उहाँ जीतको नजिक पुग्नु भएको हो ।

२१४ मतका साथ रहनु भएका ट्रम्पले भने ति दुबै र राज्यमा पुन मतगणना गर्नुपर्ने माग गर्नुभएको छ भने पेन्सलभेनियाको गणनाविरुद्ध अदालती कार्वाहीमा जाने घोषणा गर्नुभएको छ ।

यद्यपि, परिणाम अनुमान गरिएपनि आधिकारिक घोषणा हुन भने अझै बाँकी रहेको छ । पेन्सलभेनिया, नर्थक्यारोलाइना, जर्जिया र नेभदामा कस्ले जित्छ भन्ने अनुमान गरिसकिएको छैन ।

अमेरिकी निर्वाचनः जो बाइडेन विजयनिकट, क्रूद्ध ट्रम्पद्वारा पुनःमतगणनाको माग, चार राज्यको परिणाम आउन अझै बाँकी
ब्याटलग्राउण्ड मानिएको यि राज्यहरुको पछिल्लो मटगणनामा बाइडेनले ट्रम्पसँगको दूरी घटाउँदै लैजानु भएको छ । नर्थक्यारोलाइना र जर्जियामा ट्रम्पको जीत निश्चित झै देखिएको छ । नेभदामा बाइडेनले जित्ने आंकलन गरिएको छ भने पेन्सभेनियामा अझै धेरै मत गन्न बाँकी रहेको जनाइएको छ ।

अमेरिकी राष्ट्रपति निर्वाचनमा जित्न कूल ५३८ इलेक्टोरल भोटमा २ सय ७० सिट आफ्नो पोल्टामा पार्नुपर्नेछ ।

Leave a Reply

This site uses Akismet to reduce spam. Learn how your comment data is processed.