सकियो नेकपा सचिवालयको अनौपचारीक बैठक, सामूहिकरुपमा भेटेर ओलीलाई बैठक बोलाउन आह्वान गर्ने निर्णय


काठमाडौं, कात्तिक २१ । नेपाल कम्युनिस्ट पार्टी (नेकपा) को सचिवालयको अनौपचारिक बैठकले औपचारीक बैठकका बोलाउनका लागि अध्यक्ष केपी शर्मा ओलीलाई सामूहिक आग्रह गर्ने निर्णय गरेको छ ।

अध्यक्ष प्रचण्डको एकल आह्वानको बैशठकमा सहभागि ५ जना सचिवालय सदस्यको नेकपा मुख्यालय धुम्बाराहीमा बसेको अनौपचारिक बैठकले पार्टीको औपचारीक बैठक बोलाउन अध्यक्ष केपी शर्मा ओलीलाई सामूहिक रुपमा भेटेर आग्रह गर्ने निर्णय गरेको हो ।

प्रचण्डले बोलाएको अनौपचारिक बैठकमा प्रचण्डसहित झलनाथ खनाल, माधवकुमार नेपाल, बामदेव गौतम र नारायणकाजी श्रेष्ठ सहभागी भएका थिए । बैठकमा प्रधानमन्त्री ओली सहित सचिवालय सदस्य ईश्वर पोखरेल, सचिवालय सदस्य रामबहादुर थापा बादल र महाचिव विष्णुप्रसाद पौडेल भने अनुपस्थित भएका थिए ।

कार्यकारी अध्यक्षले पार्टीको आधिकारिक बैठक बोलाउन मिल्ने भए पनि पार्टी एकताको सन्दर्भलाई ध्यानमा राख्दै दुबै अध्यक्षको सहमतिमा बैठक बोलाउने समझदारी भएको नेकपाका प्रवक्ता नारायणकाजी श्रेष्ठले जानकारी दिए ।

यस अघि सहमति कायम गरेर बैठक बोलाउने भन्दै दुई अध्यक्ष बीच पटक पटक सम्बाद भएपनि सहमति नजुटे पछि प्रचण्डले सचिवालयको अनौपचारीक बैठक बोलाएका थिए । प्रचण्डले बैठक बस्न जोड दिंदै आएपनि प्रधानमन्त्री ओली भने दुई अध्यक्ष बीच सहमति पछिमात्र बैठक बोलाउने अडानमा कायम रहेका छन् ।

बैठकमा प्रचण्डले प्रधानमन्त्री ओलीकै सहमतिमा अनौपचारिक बैठक बोलाइएको जानकारी दिएका थिए ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope