२८१७ जनामा कोरोना संक्रमण पुष्टि, थप २१ जनाको मृत्यु
काठमाडौं, कात्तिक २३ । आइतबार कोरोना भाइरसका २ हजार ८१७ जना नयाँ संक्रमित थपिएका छन् ।
स्वास्थ्य तथा जनसंख्या मन्त्रालयले आयोजना गरेको कोरोना अपडेट पत्रकार सम्मेलनमा दिइएको जानकारी अनुसार १२ हजार ३११ जनाको पीसीआर परीक्षण गर्दा २ हजार ८१२ जनामा संक्रमण पुष्टि भएको हो ।
यससँगै हालसम्म कुल संक्रमितको संख्या १ लाख ९४ हजार ४५३ पुगेको मन्त्रालयका प्रवक्ता प्राडा जागेश्वर गौतमले जानकारी दिए ।
आइतबार सक्रिय संक्रमितको संख्या ३५ हजार ४१९ जना रहेका छन् ।
काठमाडौं उपत्यकामा आइतबार १ हजार ५३३ जना संक्रमित थपिएका छन् । जसमध्ये काठमाडौंमा १ हजार २९४, ललितपुरमा १६२ र भक्तपुरमा ७७ जना रहेका छन् ।
आइतबार २ हजार ८१२ जना संक्रमण मुक्त भएकाछन् । हालसम्म संक्रमण मुक्त हुनेको संख्या १ लाख ५७ हजार ९२६ पुगेको छ । यो कुल संक्रमणको ८१.१ प्रतिशत रहेको प्रवक्ता गौतमले बताए ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस