कांग्रेस केन्द्रीय कार्यसमितिको बैठक तीन दिनपछि सर्यो

२४ कार्तिक २०७७, सोमबार ०६:११

काठमाडौ, कात्तिक २४ । प्रमुख प्रतिपक्षी कांग्रेसको केन्द्रीय कार्यसमितिको बैठक फेरि पनि सरेको छ ।

महाधिवेशनको मिति र वरिष्ठ नेता रामचन्द्र पौडेल पक्षले उठाएका विषयमा सहमति जुट्न नसकेपछि सोमबारका लागि बोलाइएको बैठक तीन दिनपछि सारिएको हो । अर्को बैठक मिति कातिक २७ गतेका लागि तोकिएको छ ।

यसअघि सहमति जुटन नसकेको भन्दै कात्तिक १९ गते बोलाइएको बैठक सोमबारका लागि सारिएको थियो । कांग्रेस केन्द्रीय समितिको बैठक एक महिनादेखि स्थगित हुँदै आएको छ । सभापति शेरबहादुर देउवाले एकलौटी ढंगले विभाग बिस्तार गरेको, विधान मिचेको, महाधिवेशन टार्न खोजेको भन्दै पौडेल पक्षले राखेको फरक मतमा सहमति जुटाउन पछिल्ला केही दिनयता निरन्तर बैठक बसेपनि निस्कर्ष आउन सकेको छैन ।

पौडेल पक्षले एकलौटी गठन गरिएका विभाग खारेज गर्नुपर्ने बताएको छ । तर देउवाले विभाग गठन फिर्ता नहुने र अन्य बिषयमा छलफल गर्न तयार रहेको बताउदै आएका छन ।

Leave a Reply

This site uses Akismet to reduce spam. Learn how your comment data is processed.