रहरले प्रधानमन्त्री भएको हैन, पाँचै वर्ष सरकार चलाउँछु : प्रधानमन्त्री ओली


धरान, कात्तिक २७ । प्रधानमन्त्री केपी शर्मा ओलीले आफू रहरले प्रधानमन्त्री नभएको बताएका छन् ।

संखुवासभाको किमाथांका नाका, विओपी र जोगवनी खाँदबारी किमाथांका सडक र ९ सय ४ मेगावाटको अरुण तेश्रो आयोजनाको स्थलगत अनुगमन पछि बुधबार सम्बोधन गर्दै प्रधानमन्त्री ओलीले अहिले नै पदबाट राजीनामा दिने कुरा समेत नभएको स्पष्ट पारेका छन् ।

ओलीले सरकार र पाटीको नेतृत्व परिवर्तनको कुरा हल्लामात्रै भएको पनि उनले दाबी गरे ।

‘जनताले आवश्यकता देखेर देशको आवश्यकता बुझेर आफू प्रधानमन्त्री भएको  हुँ’, ओलीले भने ‘५० बर्ष अघिदेखि टुटेफुटेको पाटी मिलाउदै अहिले यहाँसम्म पुगेका छौं । पार्टीभित्रको विवाद समाधान गरेर पाँच वर्ष  चलाउँछु ।

‘बिहानै उठ्यो सरकार परिवर्तन, दिउँसो परिवर्तन’, जतिबेला पनि सरकार परिवर्तनको कुरा सुनेको बताउँदै ओलीले सरकार परिवर्तन हुने कुराको पछि नलाग्न सबैलाई आग्रह गरे ।

त्यसक्रममा  प्रधानमन्त्री ओलीले जोगवनी-खाँदबारी किमाथांका सडक सुरक्षित भएको पनि बताए ।

प्रधानमन्त्री ओलीले जनताले छानेर पठाएको प्रधानमन्त्री भएकाले देश विकासमा पछि नहट्ने बताए

ओलीले यो सडक निर्माण भए चीनसँगको व्यापार झनै बढ्ने बताए । यो सडक खण्ड अब तुरुन्तै निर्माण सकिने र चीनबाट सहज ढंगले व्यापार सुरु हुने पनि उनले बताए ।

नेपालका लागि अत्यन्तै महत्वपूर्ण बाटो जोगवनी किमाथांका भएको बताए ।

ओलीसँगै भौतिक योजना मन्त्री वसन्त नेम्बाङ, प्रदेश १ का मुख्यमन्त्री शेरधन राई, संघीय सांसद राजेन्द्र गौतम लगायत प्रदेश सांसदहरु पनि सहभागी थिए ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope