मेरो औषधीले कोरोना ठीक नगरे जेल जान तयार छु: कृषिविज्ञ सापकोटा

८ मंसिर २०७७, सोमबार १५:३२

काठमाण्डौ, ८ मंसिर

कोरोना महामारीले विश्व आक्रान्त बनिरहेको बेला नेपालका एक कृषिविज्ञले भने आफूले धेरै कोरोना संक्रमितलाई ठीक बनाइसकेको दावी गरेका छन् । कृषिविज्ञ पुष्प सापकोटाले घरमै दैनिक रुपमा प्रयोग गरिने चिजहरु तथा केही जडिबुटीहरुले कोरोना सतप्रतिशत निको पार्न सक्ने दावी गरेका हुन् ।

जटिल रोग ठिक पार्न सक्ने धेरै जडिबुटीहरु नेपालमै पाइने भएतापनि नेपाल सरकारले यसबारेमा चासो नदेखाएको उनको गुनासो छ । “ कृषि, आयुर्वेद जस्ता कुरालाई सरकारले कहिल्यै प्राथमिकता दिएन” उनले भने “ सायद यसमा एलोपेथिकको जस्तो कमिसन नहुने भएर होला यो ओझेलमा परेको छ ।”

केही समय अगाडी पनि हेर्टौडाका एक आयुर्वेद जानकारले कोरोना निको बनाउने घरेलु तथा आयुर्वेद औषधी बनाएपनि सरकारले त्यसमा कुनै चासो नदिएको उनको भनाई छ ।

कोरोना लाग्दैमा आत्तिनु नपर्ने बताउँदै आफुले दिएको जानकारी अनुसारको चिजबस्तुको मात्रा मिलाएर सेवन गरेमा यो रोग सतप्रतिशत ठिक हुने उनले बताए । आफूले सल्लाह दिएकामध्ये सबैजना कोरोनाबाट मुक्ति पाइसकेको उनको दावी छ ।

“मैले दिएको सल्लाहले कोरोना ठीक नभएमा म जेल जान पनि तयार छु” उनले भने ।

उनले यतिसम्म पनि दावी गरेका छन् कि यदि अरु कसैले उनलाई कोरोना सारिदिए पनि उनले उनीहरुकै अगाडी तीन दिनभित्रमा कोरोनालाई निस्तेज पार्ने ठोकुवा गरे । “

मलाई कोरोना सारिदिनुहोस, म तिन दिनमा नेगटिभ रिजल्ट ल्याएर देखाउँछु ।” उनले दावा गरे ।

उनका अनुसार गुर्जो, टिमुर, ज्वानो, मह, कागती लगायत अन्य धेरै यस्ता चिजहरु कोरोना ठीक पार्नमा लाभदायक भएको बताएका छन् । यदि कोही संक्रमितले उनलाई संम्पर्क गरेमा आफूले निशुल्क कुन चिज कति मात्रामा कसरी सेवन गर्ने सबै बताउने बताएका छन् ।

Leave a Reply

This site uses Akismet to reduce spam. Learn how your comment data is processed.