कर्णाली प्रदेश सरकारले प्रदेश प्रहरीलाई भवनलगायतका संरचना बनाउन १० करोड रुपैयाँ विनियोजन


कर्णाली प्रदेश सरकारले प्रदेश प्रहरीलाई भवनलगायतका संरचना बनाउन १० करोड रुपैयाँ विनियोजन

कर्णाली प्रदेश सरकारले प्रदेश प्रहरीलाई भवनलगायतका विभिन्न संरचना बनाउन १० करोड रुपैयाँ दिएको छ ।

भवन निर्माण, पर्वतीय प्रदेश प्रहरी प्रतिष्ठान र प्रहरी तालिम केन्द्रलगायत विभिन्न संरचना निर्माणका लागि कुल ९ करोड ९३ लाख रुपैयाँ खर्च गर्ने अख्तियारी आन्तरिक मामिला तथा कानुन मन्त्रालयले जनाएको छ ।

भवन निर्माण र पर्वतीय प्रदेश प्रहरी प्रतिष्ठानका लागि ३ करोड ९३ लाख, प्रहरी संरचना निर्माणका लागि ५ करोड र प्रहरी तालिम केन्द्र निर्माणका लागि १ करोड खर्च गर्ने अख्तियारी दिएको हो ।

उच्च हिमाली क्षेत्रमा खटिने सुरक्षाकर्मीलाई तालिम दिने उद्देश्यले पर्वतीय प्रहरी प्रतिष्ठान निर्माण गर्न लागिएको प्रदेश सरकारका प्रवक्ता एवंम भूमि व्यवस्था कृषि तथा सहकारी मन्त्री बिमला केसीले बताइन् ।

मंसिर १८ गते बसेको मन्त्रिपरिषद् बैठकको निर्णय सार्वजानिक गर्दै मन्त्री केसीले प्रदेश प्रहरी गठन भएपछि प्रतिष्ठानले कर्णालीका उच्च हिमाली क्षेत्रमा खटिने सुरक्षाकर्मीलाई तालिम दिने बताइन् ।

बजेट र जग्गा अभावका कारण कर्णालीका एकसय २४ वटा प्रहरी युनिट भाडाको भवनमा बस्दै आएका छन् ।

संरचना निर्माणका लागि जग्गा अभावका कारण कर्णाली प्रदेश प्रहरी तालिम केन्द्र, संघीय प्रहरी इकाइ कार्यालय, दंगा नियन्त्रण गण र कुकुर शाखा लुम्बिनी प्रदेशको नेपालगञ्जबाटै सञ्चालिन हुँदै आएका छन् ।

प्रदेश सरकारले प्राकृतिक विपद्का घटनाबाट मृत्यु भएका परिवारका सदस्यलाई प्रति परिवार २ लाख रुपैयाँ राहत रकम उपलब्ध गराउने भएको छ ।

आन्तरिक मामिला तथा कानून मन्त्रालयको स्वीकृत बजेट अन्तर्गतको दुर्घटना उद्धार कार्यक्रम संशोधन गरेर राहत रकम दिने निर्णय गरिएको प्रवक्ता केसीले जानकारी दिइन् ।

प्रदेशमा विभिन्न समयमा आगलागी तथा बाढी पहिरोजस्तो प्राकृतिक विपद्बाट ज्यान गुमाएका परिवारलाई राहत रकम उपलब्ध गराइने छ ।

उक्त राहत रकम सम्बन्धित जिल्ला प्रशासन कार्यालयले मृतकको यकीन गरेर दोहोरो नपर्ने गरी राहत सुविधा उपलव्ध गराउने छन् ।


Please send us your feedback or any articles if your passion is in writing and you want to publish your ideas/thoughts/stories . Our email address is sendyourarticle@samayasamachar.com. If we find your articles publishable, we will publish them. It can be any opinionated articles, or stories, or poems, or book reviews.
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com

तपाईको प्रतिक्रिया दिनुहोस

सुन चाँदी दर अपडेट

© Gold & Silver Rates Nepal
विदेशी विनिमय दर अपडेट

© Forex Nepal
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
आजको राशिफल

© Nepali horoscope