भक्तपुरको चागुँनारायण नगरपालिकामा विश्वकै अग्लो त्रिशुल बनाइदै

२४ मंसिर २०७७, बुधबार ०६:३३

भक्तपुर । भक्तपुरको चागुँनारायण नगरपालिकामा विश्वकै अग्लो त्रिशुल स्थापना हुने भएको छ ।

महाँकाल त्रिुशलडाँडा उपभोक्ता बिकास संंस्थाले मंगलबार काठमाडौंमा पत्रकार सम्मेलन गर्दै महाँकाल त्रिशुलडाँडा परिसर चाँगुनायारण ५ मा एक सय फिट अग्लो त्रिशुल तथा ५५ फिट अग्लो गुरु गोरखनाथ मन्दिर स्थापनाको शिलान्यासको घोषणा गरिएको हो । पत्रकार सम्मेलनमा कांग्रेस नेता बिमलेन्द्र निधिले त्रिशुल स्थापना गर्नु ठूलो काम भएको भन्दै सबैको सहयोगको अपेक्षा गरिएको बताए ।

त्रिशुल निर्माणको अनुमानित लागत ४ करोड ४२ लाख ११ हजार ९ सय १३ रहेको छ । भित्रि भागमा फलाम र बाहिरी भागमा तामाको धातुले निर्माण हुन लागेको त्रिशुलको तल्लो भागमा करिब १ सय ५० जनासम्म अट्न सक्ने ध्यान केन्द्र समेत निर्माण हुनेछ ।

मुलकोटगढीमा विश्वकै अग्लो त्रिशुल बाहेक ५५ फिट अग्लो गोरखनाथको मन्दिर, मुलकोटगढी द्धार, सत्तल, त्रिशुलडाँडादेखि साँखुसम्म जोड्ने सिडीमार्ग लगायत निर्माण गर्ने गुरुयोजना समेत रहेको छ । त्रिशूलको निर्माण नौ महिनामा सक्ने लक्ष्य छ ।

Leave a Reply

This site uses Akismet to reduce spam. Learn how your comment data is processed.