सर्वदलीय बैठकमा विपक्षीदलको एकस्वर : सरकारको गलत कामले असन्तुष्टी बढ्यो

२४ मंसिर २०७७, बुधबार ०६:३३

काठमाडौं । समसामायिक विषयमा छलफल गर्न भन्दै प्रधानमन्त्री केपी शर्मा ओलीको आव्हानमा भएको सर्वदलीय बैठकमा विपक्षी दलहरूले सरकारप्रति तिब्र असन्तुष्टि जनाएका छन् ।

बिहान ११ बजेबाट प्रधानमन्त्री निवास बालुवाटारमा भएको बैठकमा विपक्षीदलहरूले सरकारकै गलत कामका कारण जनतामा वितिष्णा देखिन थालेको भन्दै असन्तुष्टि जनाएका हुन् ।

प्रतिनिधिसभामा प्रतिनिधित्व गर्ने दलका प्रमुख र प्रतिनिधिहरु सहभागी बैठकमा प्रमुख उनीहरूले सरकारले गलत कामको परिणान सडकमा पोखिन थालेको बताए ।

सरकार सच्चिएर संविधानको मर्म अनुसार चल्ने हो भने सबै ठीक हुने कांग्रेस नेताहरुको भनाई थियो।

काँग्रेस सभापति शेरबहादुर देउवा बैठक चलिरहेकै बेला आफु बोलेर बैठकबाट बाहिरिएका थिए । कांग्रेस नेता प्रकाशशरण महतले सरकारप्रतिको असन्तुष्टि सडकमार्फत प्रकट भएको बताए। ‘सरकारको काम कारबाहीप्रति जनता असन्तुष्ट छन्’, नेता महतले भने, ‘त्यसैको परिणामस्वरुप अहिलेको सडक आन्दोलन भएको हो।’

बैठकमा स्वागत गर्दै प्रधानमन्त्री ओलीले संविधान विरोधी गतिविधि विरुद्ध एक हुन आव्हान गरेका थिए । त्यस्तै, पछिल्लो समय हिंसात्मक गतिविधि बढेको भन्दै प्रधानमन्त्री ओलीले हिंसाविरुद्ध पनि एक हुन आव्हान गरेका थिए ।

Leave a Reply

This site uses Akismet to reduce spam. Learn how your comment data is processed.