सरकारले रोकका वावाजुत पाशुपत क्षेत्रमा शतबीज छर्नेको घुईंचो

२८ मंसिर २०७७, आईतवार ०८:०१

काठमाडौं । कोरोनाको जोखिम कायमै रहेको भन्दै  सरकार र पशुपति क्षेत्र विकास कोषले पाशपत क्षेत्रमा शतबीज छर्न रोक लगाएको थियो । तर आइतबार विहानै पाशुपत क्षेत्रमा शतबीज छर्नेको श्रदालुको घुईंचो देखिएको छ ।

पशुपतिनाथको ढोका रहेका कारण मुख्य मन्दिर प्रवेश नपाएपनि श्रदालुले मन्दिर बाहिरबाटै शतबीज छर्दै हिंडेका थिए ।

मार्गशीर्ष कृष्ण त्रयोदशीका दिन बेलुकी दिवङ्गत पितृका नाममा दीपदान र चतुर्दशीका दिन झिसमिसे बिहानै शतबीज छर्ने गरीन्छ । देशभरका शिवमन्दिरमा बालाचतुर्दशीको अघिल्लो रात दिवङ्गत पितृका नाममा दीपदान गर्ने गरीन्छ ।

दिवङ्गत आत्माको चिरशान्तिको कामना गर्दै १०८ शिवलिङ्ग, कैलाश, सूर्यघाट, गौरीघाट, आर्यघाट, गुह्येश्वरी, पशुपति, मृगस्थली, विश्वरूप र किराँतेश्वर आदि ठाउँमा शतबीज छर्ने गरिन्छ ।

भगवान् शिव मृगरूप लिएर घुम्नुभएको पुण्यक्षेत्रमा आजका दिन एक गेडा बीज छर्दा एक गेडा सुन दान गरेबराबरको पुण्य मिल्ने र दिवङ्गत आत्माले पनि मुक्ति पाउने चर्चा विभिन्न धर्मग्रन्थमा गरिएको छ

Leave a Reply

This site uses Akismet to reduce spam. Learn how your comment data is processed.