प्रभु लाइफको आईपीओमा साढे १० लाख बढीको आवेदन

३ पुष २०७७, शुक्रबार ०७:५९

काठमाडौं । प्रभु लाइफ इन्स्योरेन्सले निष्कासन खुला गरेको धितोपत्रको प्रारम्भिक सार्वजनिक निष्कासन (आईपीओ) मा  साढे १० लाख बढी लगानीकर्ताको आवेदन परेको छ ।

कम्पनीको आईपीओमा आवेदन दिने अन्तिम दिन बिहीबार (आज) साँझसम्म १० लाख ५४ हजार ५ सय ४५ आवेदकबाट २ करोड ९१ लाख ३ हजार ३ सय कित्ताको सेयरका लागि आवेदन परेको बिक्री प्रबन्धकले सिद्धार्थ क्यापिटलले जनाएको छ ।जनाएको छ । जुन कम्पनीले निष्कासन गरेको भन्दा ४/८ गुणा बढी हो ।

कम्पनीले मङ्सिर २९ गतेदेखि ६० करोड रुपैयाँबराबरको ६० लाख कित्ता आईपीओ निष्कासन बिक्री खुला गरेको थियो । ६० लाख कित्तामध्ये ३ लाख कित्ता कर्मचारीको लागि र ३ लाख कित्ता सामूहिक लगानी कोषको लागि छुट्याइएको थियो । बाँकी रहेको ५४ लाख कित्ताका लागि सर्वसाधारणका लागि बिक्री खुला गरेको हो ।

धितोपत्रको निष्कासन तथा बाँडफाँड नियमावलीअनुसार आवेदन दिने सबै आवेदकलाई न्यूनतम १० कित्ता सेयर बाँडफाँड गर्नुपर्ने हुन्छ । १० कित्ता सबैलाई नपुग्ने अवस्थामा आवेदन दिएकाहरूलाई गोलाप्रथाबाट भाग लगाउनुपर्छ ।

Leave a Reply

This site uses Akismet to reduce spam. Learn how your comment data is processed.